د لاس رسي وړ اتصالات

د ناټو د عمومي قوماندان په حیث د جنرال جان آلن نومونه ځنډول شویده


U.S. General John Allen, commander of the North Atlantic Treaty Organization (NATO) forces in Afghanistan, speaks in Kabul, July 4, 2012.

U.S. General John Allen, commander of the North Atlantic Treaty Organization (NATO) forces in Afghanistan, speaks in Kabul, July 4, 2012.

د امریکا جمهور ریس بارک اوباما د ناټو د عمومي قوماندان په حیث د جنرال جان آلن نومونه ځنډولې ده. په افغانستان کې د امریکا او ناټو د ځواکونو د دغه قوماندان څخه تحقیقات کیږي. دغه تحقیقات د هغه تورونو په اړه کیږي چې ویل کیږي دغه جنرال د یوې ښځې سره ((ناسمه مکاتبه)) درلوده. د دغې ښځې په اړه ویل کیږي چجې په هغه رسوايي کې ښکیله وه چې د سي ای آي د ریس دیوید پټریس د استعفی سبب شوه.

د امریکا د ملي امنیت د شورا ویاند، تامي وییټور وايي چې د امریکا جمهور ریس دغه نومونه ځکه ځنډولې ده چې د دفاع وزیر لیون پنیټا یې غوښتنه کړې وه.
اوباما یوه میاشته مخکې جنرال جان الن په اروپا کې د ناټو د عمومي قوماندان په حیث نومولی و.
په جنرال جان آلن باندې دا تورونه لګیدلي دي چې د جییل کیليي سره یې مکاتبه درلوده. د دغې ښځې په اړه ویل کیږي چې د پټریس د فامیل ملګرې وه.
هغې د امریکا د تحقیقاتو فدرالي بیرو یا شکایت کړي و چې د ایمیل په ذریعه یوه ښځه ورته ګواښونه کوي. ورسته بیا پته ولګیده چې د هغې ښځې سره چې کیلي ته یې ایمیلونه استولي وو پټریس اړیکې درلودي. د دغو تحقیقاتو په نتیجه کې پټریس د جمعې په ورځ استعفی ورکړه.
د دفاع د وزارت یو لوړ رتبه چارواکي نن د سې شنبې په ورځ وویل چې پنټګن یا د امریکا د دفاع وزارت د شلو زرو نه تر ډیرښ زرو پورې د ایمییلونو د پاڼو جاج اخلي چې د جنرال الن او جییل کیلي ترمنځ د ۲۰۱۰ کال نه تر ۲۰۱۲ کال پورې تبادله شوي دي.
د امریکا د دفاع وزارت یو ویاند، جورج لیټل وویل چې FBI دغه موضوع چې جنرال جان آلن هم پکښې ښکیل دی د امریکا د دفاع وزارت ته د یکشنبې په ورځ راجع کړه او د امریکا د دفاع وزیر، لیون پنیټا بیا د پنټګن عمومي پلټونکي ته امر وکړ چې په دې اړه تحقیقات پيل کړي.

جنرال جان آلن بیا هر ډول ناسمه کړنه رد کړې ده. هغه به، د تحقیقاتو په مهال، په افغانستان کې په خپلې دندې پاته شي.
XS
SM
MD
LG