د لاس رسي وړ اتصالات

د امریکا د مشرانوجرگې د مالي گړنگ د مخنیوي پلان تصویب کړ


US Fiscal cliff

US Fiscal cliff

د امریکا د مشرانو جرګې یا سنا هغه پلان چې د مالي ګرنګ د مخنوي لپاره جوړشوي و تصویب کړ. دغه پلان ورسته له دې نه د سنا لخوا تصویب شو چې د سپینې مانۍ او کانګریس د جمهوري غوښتونکو ترمنځ ورباندې جوړجاړی وشو.

د پلان په اړه د تیرو دوو ورځو راهیسي بحث روان وو او نن د سې شنبې په ورځ په سنا کې د ۸۹ موافقو او ۸ مخالفو راییو په ورکولو سره تصویب شو.

د امریکا ولسمشر، بارک اوباما د سنا د رایې اچونې نتایج وستایل او د استازو د جرګې نه یې هم غوښتنه وکړه چې دغه لایحه دې د کوم ځنډ نه بغی تصویب کړي. د امریکا د استازو جرګه به نن د واشنګټن په وخت غرمې ته غونډه وکړي او په لایحې به غور وکړي.

په سنا کې د جمهوري غوښتونکو مشر، میچ مېکانل وویل چې دغه جوړجاړی یوه نامکمله موافقه ده چې په زیاتره امریکایانو باندې به د مالیاتو د ډیریدو د اغیزو مخه ونیسي. هغه د مرستیال ولسمشر، جو بایډن نه مننه وکړه چې د سنا د مشرانو سره یې جوړجاړي ته د رسیدو په لارې کې مرسته کړې ده.

د دغه پلان په اساس به، په هغه کس چې د ۴٠٠٠٠٠ امریکايي ډالرو نه ډیر عاید لري یا په هغه کورنۍ چې د ۴٥٠٠٠٠ امریکايي ډالرو نه ډیر عاید لري مالیات ډیر شي. د دغه پلان په اساس به د دولت لکښتونه په دفاعي او کورنیو چارو کې د دوو نورو میاشتو لپاره وغځول شي او ورسته به بیا په دې اړه فیصله وشي. په دغه کار سره به د دواړو ګوندونو ترمنځ په راتلونکي کې هم تاوده بحثونه وشي.
XS
SM
MD
LG