د لاس رسي وړ اتصالات

په فاریاب کې په چاودنې کې څلور کسان وژل شوي او شل نور ټپیان شوي دي


فریده رستم خیل - مزارشریف

د فاریاب په ولایت کې په یوې چاودنې کې لږ ترلږه څلور کسان وژل شوي او شل نور کسان بیا ټپیان شوي دي. چاودنه د سې شنبې په ورځ د سهار د ۱۱ بجو په شاووخوا کې د خواجه سبز پوش د ولسوالی د بازار دننه د یو رستورانت مخی ته شوې ده.

د فاریاب ولایت د خواجه سبز پوش په ولسوالۍ کې د یو رستورانت د تخت لاندې د ځای پر ځای شوي ماین د چاودنې له امله څلور کسه وژل شوي او شل تنه ټپیان شوي دي. د پولیسو د ۳۰۳ پامیر زون قوماندانۍ ویاند لعل محمد احمدزی د پیښې په تایید سره وویل چی ټول وژل شوي او ټپیان ملکي کسان وو. هغه زیاته کړه چې پولیسو د پیښې په تړاو دوه کسان نیولي دي.

هغه وویل: ((د فاریاب ولایت د خواجه سبز پوش ولسوالۍ د بازار دننه د یو رستورانت مخې ته یو حلقه ماین د مخالفینو لخوا ځای پر ځای شوي و چې د چاودنې له امله یې ۴ کسان شهیدان او ۲۰ تنه نوریې ټپیان کړل. د چاودنی په سیمه کې حکومتي یا نظامیان څوک نه وو، ملکی سیمه ده، شهیدان او وژل شوي ټول ملکیان دي [د دغې چاودنې] هدف د خلکو تر منځ ویره اچونه ده.))

دا چاودیدونکې توکې چې تخریبات او مالي خسارات یې هم درلودل په یو دیک بخار کې ځای پر ځای شوې وه.
XS
SM
MD
LG