د لاس رسي وړ اتصالات

په طرابلس کې د فرانسې په سفارت بمي برید دوه ساتونکي ټپیان کړي دي


په طرابلس کې د فرانسې سفارت

په طرابلس کې د فرانسې سفارت

د لیبیا په پایتخت طرابلس کې چارواکو وویل چې نن سهار د فرانسې په سفارت د موټر بم برید شوی دی چې پکښې د سفارت دوه ساتونکي ټپیان شوي او د سفارت ساختمان ته ډیر تاوان رسیدلی دی.

د لیبیا د بهرنیو چارو وزارت دغه یوه تروریستي پيښه وبلله.

د فرانسې جمهورریس فرانسوا هولانډ وویل چې حکومت یې تمه لري چې لیبیايي چارواکي د پيښې په اړه څیړنې وکړي ترڅو هغه کسان چې په دغه برید کې یې لاس درلود د عدالت منګولو ته وسپارل شي.

هغه دا هم زیاته کړه چې د دغې بمي چاودنې هدف ټول هغه هیوادونه دي چې د تروریزم خلاف جګړې کې ښکیل دي.

د هغه وخت نه چې په لیبیا کې معمر القذافي راپرزول شوی دی، لیبیا د بې ثباتې او تشدد خلاف مبارزه کوي.

د تیرعیسوي کال د سپټمبر په میاشتې کې د لیبیا د بنغازي په ښار کې د امریکا په قنسګلرۍ برید وشو چې پکښې د امریکا د سفیر په شمول څلور امریکایان ووژل شول.
XS
SM
MD
LG