د لاس رسي وړ اتصالات

اوباما: د حکومت په لګښتونو کې کموالی د امریکا اقتصاد ته تاوان رسوي


د امریکا ولسمشر بارک اوباما

د امریکا ولسمشر بارک اوباما


د امریکا جمهورئیس براک اوباما وایي چي د حکومت په لگښتونو کي کموالی چي د مارچ په میاشت کي تطبیق شو، ددې هیواد اقتصاد ته تاوان رسوي.

ښاغلي اوباما د سه شنبې په ورځ په سپینه ماڼۍ کي په یوه خبري کنفرانس کي وویل چې د حکومت په لګښتونو کې کموالی «زموږ وده سوکه کړې او زموږ د خلکو کارونه یې کم کړي دي.»

په لگښتونو کي دا کموالی په داسي حال کي راغی چي جمهوررئیس اوباما او په کانگرس کي مخالف جمهوري غوښتونکي د مالیاتو او لگښتونو په برخه کي موافقې ته سره ونه رسیدل. د لگښتونو ددې کموالي هدف دا دی چي د حکومت په ځینو پروگرامونوکي کموالی راشي او ځیني حکومتي کارکونکي په اونۍ کي د کار نه څو ساعته بې معاشه رخصت شي. په دې لړ کي تیره اونۍ د هوایي ټرافیک تقریبا ١٥٠٠ کارگران یوه ورځ بې معاشه رخصت شوي وو چي دې کار د الوتکو په پروازونو کي ځنډ راوست او کانگرس مجبور شو دا پریکړه بیرته واخلي.

جمهوررئیس د پخوا په شان د کانگرس نه وغوښتل چي داسي یوې موافقې ته سره ورسیږي چي د دې هیواد ډیر ستر ملي پورونه را کم کړي او په عین حال کي د زیربنا گانو د پیاوړتیا، د ښووني او روزني او د علمي څیړنو د پیاوړتیا په پروگرامونو کي پانگي واچول شي. مگر سپینه ماڼۍ او جمهوري غوښتونکي لا په دې اړه اختلافات سره لري چي حکومت باید څه ډول مالي پالیسۍ تطبیق کړي.
XS
SM
MD
LG