د لاس رسي وړ اتصالات

د هند صدراعظم کشمیر ته تللی دی


د هند صدراعظم منموهن سنګ او د کانګریس د ګوند مشره سونیا ګاندي د هند تر ولکې لاندې کشمیر ته تللي دي.

د هند صدراعظم منموهن سنګ او د کانګریس د ګوند مشره سونیا ګاندي د هند تر ولکې لاندې کشمیر ته تللي دي.

د هندوستان صدراعظم نن د سې شنبې په ورځ د هند تر ولکې لاندې کشمیر ته سفر کړی دی. د هغه د سفر نه یوه ورځ مخکې، وسله والو اته هندي عسکر ووژل او ۱۳ نور یې ټپیان کړل.

منموهن سنګ سره کشمیر ته په سفر کې د هندوستان د کانګریس د ګوند مشره سونیا ګاندي هم ملګرې ده.

په تیرو درېیو کلنو کې دا لومړی ځل دی چې د هند صدراعظم د هند تر ولکې لاندې کشمیر نه لیدنه کوي.

د منموهن سنګ د سفر نه مخکې، د کشمیر په مرکز سرېنګر کې ډیر شمیر امنیتي ځواکونه ځای په ځای شوي وو.

په سیمې کې بیا بیلتون غوښتونکو د عمومي کاربندیز اعلان کړی دی او نن په سرېنګر کې دوکانونه، کاروبارونه، ښوونځي، او بانکونه تړلي وو.

کشمیر د هند او پاکستان ترمنځ ویشل شوی دی. دواړه خواوي د کشمیر په ټوله سیمې باندې د ملکیت دعوا کوي. دواړو ګاونډي هیوادونو چې اوس په اټمي وسلو سمبال دي دوه ځلې د کشمیر په سر جګړه کړې ده.
XS
SM
MD
LG