د لاس رسي وړ اتصالات

په فیلیپین کي د نړیوالو له خوا د ژغورني چاري پر مخ رواني دي او د مرستو رسولو کارکونکي هلي ځلي کوي چي هغو ګوښه سیمو ته ځانونه ورورسوي چي د ټایفون سمندري طوفان سختي ځپلي دي.

د برتانیې د هوایي قواوو د مرستو لومړۍ الوتکه د شنبې په ورځ ( سیبو) ته رسیدلې ده. د دغه ټاپو شمالي سیمو ته دغه طوفان زیات تاوانونه رسولي دي.

له بلي خوا د اروپایي ټولني د بشري چارو ددفتر رئیسې ( کریس تا لینا جورجیوا) ویلي دي چي د اروپایي اتحاد له خوا به د مرستو اندازه ٢٥ ملیون ډالرو ته ورسېږي.

د امریکا د ( یو ایس ایس جورج واشنگټن) د الوتکو وړونکي کښتۍ نه هلیکوپترو د جمعې په ورځ لیري پرتو او ګوښه سیمو ته د خوراکي موادو، اوبو او دارو درملو په رسولو پیل وکړ.

له بلي خوا فیلپائیني امریکایانو هم د مرستو د غوښتنو په اړه سخاوت ښودلی او مرستي را غونډوي.

دغه طوفان چي د نومبر په ٨مه یې فیلیپین وواهه څه د پاسه ٣٦٠٠ کسه یې وژلي او تقریبا نیم ملیون خلک یې بې کوره کړي دي. ویل کېږي چي د مړو شمیر به نورهم پسې زیات شي ځکه چي ډیر خلک ورک دي.

د هي یان د توپان چې د نومبر په اتمه یې د فیلیپین یو څو مرکزي ټاپوګان وځپل ، د مړو شمیر 3600 تنو ته رسېدلی دی. پردې سر بېره په سوونو زره کسان بې کوره شوي دي. رپوټونه وايي چې دمړو شمیر به تردې هم زیات شي.
XS
SM
MD
LG