د افغانستان د جزا د قانون د مسودې د تیارولو د کمېټو څخه افغانو ښځو وغوښتل چې د جزا د قانون په جوړولو کې دې له ښځو سره د تاوتریخوالیو مرتکبینو ته د سزا ورکول ځای کړای شي او د ښځو حقوق دې خوندي شي.
د جزاء د قانون د اصلاح په دوهمه غونډه کې چې یکشنبې په ورځ د ملګرو ملتونو د ښځو د څانګې له خوا دایره شوه، د ملګرو ملتونو د ښځو څانګې هم له افغان حکومت څخه وغوښتل چې د جزا د قانون په جوړولو کې دې د نړیوالو قوانینو او کنوانسیونونو چې افغانستان یې غړی دی هم پاملرنه وکړي.
خو بل لورته د عدلېې وزارت بیا وايي چې دوی ته د افغانانو عرف او عنعنې هم پدغه قانون کې اهمیت لري.
پدغه کنفرانس کې د تیر یو کال د کارونو ارزونه هم وشوه او دا هم و څیړل شول چې څنګه د افغانستان د جزا په قانون کې د اسلامي شریعت او د نړیوالو کنوانسیونونو ترمنځ تړاو پیدا کېدای شي.
د عدلېې وزارت وايي، د سنګسار د جزاء د نه ورکړې خبر چې په رسنیو کې څه موده وړاندې خپور شو بې اساسه دی او دغو کمیټو پرې هیڅ بحث ندی کړی.
د جزا د قانون په مسودې تر ډېره کار شوی دی او د عدلېې وزارت وايي چې څلور کمېټې پرې کار کوي او لس ښځینه حقوق پوهانې هم په دغو کمیټو کې ګډون لري.
د جزاء د قانون د اصلاح په دوهمه غونډه کې چې یکشنبې په ورځ د ملګرو ملتونو د ښځو د څانګې له خوا دایره شوه، د ملګرو ملتونو د ښځو څانګې هم له افغان حکومت څخه وغوښتل چې د جزا د قانون په جوړولو کې دې د نړیوالو قوانینو او کنوانسیونونو چې افغانستان یې غړی دی هم پاملرنه وکړي.
خو بل لورته د عدلېې وزارت بیا وايي چې دوی ته د افغانانو عرف او عنعنې هم پدغه قانون کې اهمیت لري.
پدغه کنفرانس کې د تیر یو کال د کارونو ارزونه هم وشوه او دا هم و څیړل شول چې څنګه د افغانستان د جزا په قانون کې د اسلامي شریعت او د نړیوالو کنوانسیونونو ترمنځ تړاو پیدا کېدای شي.
د عدلېې وزارت وايي، د سنګسار د جزاء د نه ورکړې خبر چې په رسنیو کې څه موده وړاندې خپور شو بې اساسه دی او دغو کمیټو پرې هیڅ بحث ندی کړی.
د جزا د قانون په مسودې تر ډېره کار شوی دی او د عدلېې وزارت وايي چې څلور کمېټې پرې کار کوي او لس ښځینه حقوق پوهانې هم په دغو کمیټو کې ګډون لري.
