د لاس رسي وړ اتصالات

اوباما پنټاګون ته: د ټولو امریکايي ځواکونو ایستلو ته چمتو شی


که چیري ترمنځ امنیتي تړون لاسلیک شي نو ۱۰۰۰۰ امریکايي ځواکونه به په افغانستان کې پاته شي.

که چیري ترمنځ امنیتي تړون لاسلیک شي نو ۱۰۰۰۰ امریکايي ځواکونه به په افغانستان کې پاته شي.

د امریکا ولسمشر بارک اوباما د امریکا د دفاع وزارت یا پنټاګون ته ویلي دي، چې که چیري د افغانستان او امریکا ترمنځ امنیتي تړون لاسلیک نه شي، نو د افغانستان نه دې د ټولو امریکايي ځواکونو د ایستلو تیاري ولري.

سپینې مانۍ ویلي دي چې ولسمشر اوباما د سې شنبې په ورځ ولسمشر کرزي ته دغه خبره په ټلفون وکړه.

سپینه مانۍ زیاته کړې ده چې ولسمشر اوباما ولسمشر کرزي ته ویلي دي چې واشنګټن به د روان عیسوي کال تر پایه پورې د امنیتي تړون د لاسلیکولو په امکاناتو باندې غور وکړي.

خو ولسمشر اوباما دا خبره هم کړې ده چې هرڅومره چې د امنیتي تړون په لاسلیکیدو کې ځنډ راځي، په هغه اندازه به د ۲۰۱۴ کال نه ورسته په افغانستان کې د امریکا ماموریت محدود وي.

که چیري د افغانستان او امریکا ترمنځ امنیتي تړون لاسلیک شي نو ۱۰۰۰۰ امریکايي ځواکونه به، د ۱۰ نورو کلنو لپاره، په افغانستان کې پاته شي. پاتې امریکايي ځواکونه به د افغان ځواکونو سره د مرستې او ملاتړ رول ولري.

ولسمشر کرزي بیا د امریکايي ځواکونو په تکتیکونو باندې، په تیره بیا د شپې لخوا په بریدونو، اعتراض کړی دی. هغه همداراز د امریکا نه غوښتنه کړې ده چې د طالبانو سره دې د سولې د خبرو د پيلیدو په برخې کې مرسته وکړي.
XS
SM
MD
LG