ددې تگلارې له مخې هر هغه کس چې عمر یي له ٦٥ کلونو زيات وي او هغه ماشومان چې له ١٢ کلونو نه کم عمر ولري، اړ نه دي چې د پوليسو د کليرنس یا سپيناوي پاڼه له ځان سره ولري.
همدارنگه ددې آسانتياو څخه د غير قانونی گټې اخيستنې د مخنيوی په خاطر د ويزې د اخيستونکې نه د گوتو نښې او عکس اخيستل کيږی او کمپيوترې سيستم ته داخليږی.
په هند کې د افغانستان سفير شیدا محمد ابدالي آشنا راډيو ته وويل « له دووکلونوراپدې خوا په دې هڅه کې وو چې څنگه وکړاې شو افغانانو لپاره د هند د ويزې په برخه کې اسانتياوې برابرې کړو. بلاخره د هند نوی حکومت دا امتياز افغانانو ته ورکړ او د ويزې په برخه کې يې نيک اقدام وکړ.»
ابدالی زياته کړه، « په زرگونو افغان محصلين، په سلگونو سوداگر او همدارنگه گڼ شمير ناروغان د درملنې لپاره د هند ويزې ته اړ دي. د سوداگريزو چارو د پراختيا او افغانانو ته د نورو آسانتياو د برابرولو په خاطر دا يو ضرورت وو او مونږ د نوی حکومت نه مننه کوو چې زمونږغوښتنې ته يې د يو قرارداد له مخې مثبت ځواب ووایه.»
د نريندرا مودي په مشرۍ د هند نوي حکومت د افغانستان سره د دا ډول ديپلوماتيکو همکاريوعلاوه نور ډير هیله مند حرکتونه تر لاس لاندې نیولي چې د افغانستان سره د هر راز مرستې ژمنتيا پکې له ورايه څرگنديږی.
ښاغلي ابدالي پخپله د افغانستان د حکومت له خوا هندې اتباعو ته د ويزی په صادرولو کې هم د اسانتياوو د برابرولو يادونه وکړه چې دوی ورته لا دمخه په پام کې نيولې وې.
آشنا راډيو سره په هند کې د افغانستان د سفير شيدا محمد ابدالی بشپړه مرکه دلته اوريدائ شئ:
