د لاس رسي وړ اتصالات

د ایران د آټومي پروګرام په سر به په خبرو کې پرمختګ وشي؟


د ایران د اټومي پروګرام به سر یوې جامع موافقې ته د رسیدول لپاره د نومبر د ۲۴ نیټې مهالویش ټاکل شوی دی

د ایران د اټومي پروګرام به سر یوې جامع موافقې ته د رسیدول لپاره د نومبر د ۲۴ نیټې مهالویش ټاکل شوی دی

د ایران او د نړۍ د شپږو قدرتونو ترمنځ په خبرو کې مهمه موضوع د ایران لخوا د یورانیمو غني کول دي.

ایران وايي چې یورانیم، د انرژۍ د تولید لپاره، غني کوي. خو ځینې غربي هیوادونه شک لري چې ایران دې دغه کار د سوله ییزو اهدافو لپاره وکړي. دوی وايي چې ایران یورانیم د دې لپاره غني کوي چې اټومي وسلې جوړې کړي.

د ایران او د نړۍ د شپږو قدرتونو ترمنځ هراړخیزې موافقې ته د رسیدو لپاره د روان کال د جولای د میاشتې مهال ویش ټاکل شوی و. خو ورسته بیا دغه مهلت وغځول شو او د نومبر د میاشتې ۲۴ نیټه وټاکل شوه.

د جولای د میاشتې راهیسې دواړو خواوو د یو بل سره څو ځلې غونډې وکړي. د بروکېنګز د انستیتوت کارپوه رابرټ اېنهورن وايي چې داسې نه معلومیږي چې د نیویارک په غونډې کې دې کوم پرمختګ وشي.

ښاغلي اېنهورن: «په خواشینی سره، زه فکر کوم چې د دې امکان ډیر دی چې دواړه اړخونه دې په خپلو دریځونو ولاړ پاته شي او دا به راتلونکې غونډې وي چې اختلافات به پکښې کم شي.»

د وسلو د کنټرولولو د اتحادې کارپوهه، کیلسي ډیفنپورت په خبرواترو کې د پرمختګ په اړه محتاطانه خوشبینې څرګنده کړه.

اغلې ډیفنپورت وايي چې د جولای د میاشتې د مهالویش غځول دواړو خواوو ته د دې وخت ورکړ چې د خپلو دریځونو په اړه له سره غور وکړي.

کیلسي ډیفنپورټ وايي: «زه فکر کوم چې موږ به په ځینو سختو مسایلو باندې پرمختګ وکړو، لکه د یورانیمو د غني کولو په اړه، خو دا به هم مشکله وي چې د نومبر د میاشتې د ۲۴ نیټې د مهالویش نه دوې میاشتې مخکې دغه کار دې وشي.»

خو د کارنګي د مرکز کارپوه، جیمز اکټن بیا وايي چې د دې امکان شته چې ایران او د نړۍ شپږ قدرتونه دې انتظار وکړي چې مهالویش رانږدې شي بیا به اختلافات حل کړي.

ښاغلی اکټن وايي: « که چیري د لویو امتیازونو د ورکولو خبره وي، نو کیدای شي چې امکان یې یوازې هغه وخت شته چې د نومبر د میاشتې مهال ویش ته لږ وخت پاته وي.»

اکټن وايي چې که چیري ایران موافقه لاسلیک نه کړي، نو کیدای شي چې نړیوال یې په خلاف نور بندیزونه هم ولګوي.

XS
SM
MD
LG