د لاس رسي وړ اتصالات

د سره صلیب کمیټه: په یمن کې بشري مرستو ته اړتیا شته


یونیسف وايي چې په یمن کې ماشومان د صحي مشکلاتو سره مخ دي.

یونیسف وايي چې په یمن کې ماشومان د صحي مشکلاتو سره مخ دي.

د سره صلیب نړۍ والي کمیټې وايي چې یوه الوتکه یې چې د روغتیا د چارو کارکونکي په کې سپاره وو، د یمن یایتخت صنعا ته رسیدلې ده.

سره صلیب پرون د سه شنبې په ورځ د یمن د عدن په جنوبي ښار کې «د فاجعې» د رامنځ ته کیدو په اړه بیا خبر داری ورکړ.

که څه هم چې د سره صلیب د کمیټې یوه لوړپوړي چارواکي دومینیک سټیل هارټ په ټویټر لیکلي دي چې بېړني ضروري طبي مواد به د هوا او سمندر له لاري یمن ته ورسول شي.

د نړۍ د روغتیا د سازمان له قوله، په یمن کې په تیرو درو اونیو کې په جگړو کې څه دپاسه ٥۴٠ کسه وژل شوي او ١٧٠٠ تنه زخمي شوي دي.

سره صلیب د دوشنبې په ورځ وویل چې په دې نه دی توانېدلی چې یمن ته څو ټنه طبي مواد ورسوي.

دغه کمیټې ویلي دي چې د سعودي عربستان په مشرۍ ائتلاف د دغو موادو د رسولو اجازه ورکړې ده. مگر د سره صلیب کمیټه دغه جنگ ځپلي هیواد ته د الوتکو د پروازونو په اړه اندېښمن دی.

په عین وخت کې د ماشومانو لپاره د ملګروملتونو ادارې ویلي دي چې په یمن کې تر ۱۰۰۰۰۰ پورې خلګ بې بې ځایه شويدي.

یونیسف ویلي دي چې د یمن په بیلابیلو ځایونو کې خلګ د خپلو کورونو پریښودولو ته اړ شوي دي او هڅه کوي چې خوندي سیمو ته ځانونه ورسوي.

یونیسف دا خبره هم کړې ده چې شفاخانو او د خدماتو د رسولو په نورو عامه ادارو باندې هم بیروبار ډیر شوی دی.

دغه ادارې ویلي دي چې هغه کورنۍ چې بې ځایه شوي دي، ماشومان یې د صحي مشکلاتو سره مخامخ دي.

یونیسف ویلي دي چې د ماشومانو او بې ځایه شوو کورنیو خوندیتوب ته باید خاصه توجه وشي. دغه سازمان زیاته کړې ده چې په دې برخې کې باید نړیوال بشري قوانین مراعت او عملي شي.

XS
SM
MD
LG