د لاس رسي وړ اتصالات

افغانستان شارجه کې د زمبابوې سره د کرکټ سیالۍ لري


د افغانستان د کرکټ ملي ټیم به د دسمبر د ٢٥ نه د جنوري تر لسمې نیټې پورې د متحده عربي اماراتو په شارجه کرکټ لوبغالي کې د زمبابوې د ملي ټیم سره د پینځو یو ورځنیو او دوه شل اوریزو سیالیو کوربه وي.

افغانستان د کرکټ بورډ عمومي ریس ښاغلي نسیم دانش د امریکا غږ اشنا راډیو سره مرکه کې ویلي چې د دغو سیالیو دپاره د اعلان شوي ملي ټیم ټولو لوبغاړو د متحده عربي اماراتو ویزې اخیستي او په پوره تیارۍ سره به د زمبابوې د ملي ټیم سره مقابلې ته میدان ته کوزیږي.

د افغانستان د کرکټ بورډ عمومي ریس نسیم دانش

د افغانستان د کرکټ بورډ عمومي ریس نسیم دانش

ښاغلي دانش د کرکټ مینه والو ته دا زیری هم ورکړ چې د زمبابوې سره کیدونکې ټولې اووه سیالۍ به د کرکټ د مشهورو تلویزوني شبکو دلارې په ژونۍ بڼه ښودل کیږي.

همداراز ښاغلي دانش په متحده عربي اماراتو کې میشتو افغانانو او هیواد کې میشتو افغانانو نه وښودل چې د خپلو ملي اتلانو د ملاتړ او تشویق دپاره دغو سیالیو لیدو ته راشي.

  • 16x9 Image

    مطیع الله عابد

    مطیع الله عابد  د کال ٢٠٠٢ نه د امریکا غږ آشنا راډیو پښتو خپرونو سره کار کوي. عابد چې د افغانستان د کندوز ولایت دی د پیښور پوهنتون نه ېې د ژورنالزم ماستر ډگري اخیستې. عابد د خبریالۍ سره سره لیکوالي هم کوي چې زیاتره ځوانانو او د کرکټ لوبې په اړه وي.

XS
SM
MD
LG