د لاس رسي وړ اتصالات

د فرانسې ولسمشر د مذهبي مشرانو سره لیدلي


د فرانسې ولسمشر فرانسوا هولانډ نن په پاریس کې د مختلفو مذاهبو مشرانو سره ولیدل او د یو مسلمان افراطي په لاس د یو عیسوي پادري د وژنې نه پس پیدا شوي حالت باندې خبرې کړي.

ښاغلي هولانډ د مذهبي مشرانو سره خبرو کې په هیواد د مذاهبو ترمنځ د یووالي اړه ټینگار کړیدی .هغه ویلي چې د تروریزم سره جگړې دپاره یو شریک هوډ ته ضرورت دی.

د پاریس د یو ستر جومات امام دلیل ابوبکر په دې غونډه کې د خبرو په وخت وویل «زه غواړم چې د دې ناستې نه په گټې اخیستو دا ووایم چې فرانسه کې مسلمانان په دې پیښه سخت غمژن دي، مسلمانان دا وخت د د ذهني ناراحتۍ ښکار ده. اسلام د داسې عملونو اجازه نه ورکوي. په یو مذهبي ځای حمله کول د بشریت خلاف کار دی.

په تیرو نولس میاشتو کې فرانسه کې قریب درې سترې ترورستي حملې شویدي

په تیرو نولس میاشتو کې فرانسه کې قریب درې سترې ترورستي حملې شویدي

په فرانسه کې کیتولک عیسویان د پرونۍ حملې نه پس نن هم د ماتم په حالت کې دي. پرون یو نولس کلن مسلمان ځوان چې پخوا هم ورباندې د ترورستۍ تورونه وو، په یوه کلیسا کې دننه د وینا په مهال د یو شپږ اتیا کلن پادري په مرۍ چاړه راکش کړې.حمله کونکی او ملگری ېې وروسته د پولیسو په ډزو کې ووژل شو.

دې حملې کې لاس لرونکی عادل کریمچي په کال ٢٠١٥ کې عن د تروریزم په تړاو تور نیول شوی و، حکومت د هغه په لاس کې یو برقي دستبند هم اچولی و چې کړو وړ نه ېې ځان خبر وساتي. هغه د حملې په وخت هم دغه دستبند تړلی و.

په تیرو نولس میاشتو کې فرانسه کې قریب درې سترې ترورستي حملې شویدي. چې یوه ېې د کال ٢٠١٥ د جنوري په میاشت کې د چارلي ابدو د مجلې په دفتر شوې وه. بیا لس میاشتې پس یوه منظمه حمله کې ١۴٧ کسان ووژل شو.

بیا په دې نیزدو وخت کې یو نفر چې درنه لارۍ ېې چلوله د نیس په ښار کې د یو میلې په جریان کې په خلکو لارۍ وخیژله او په ډزو ېې هم گڼ کسان ووژل.

XS
SM
MD
LG