د لاس رسي وړ اتصالات

اندونیزیا غني ته د مرستو دوې تازه ژمنې وکړې


جمهور رئیس غني د چهارشنبې په ورځ د اندونیزیا د جمهور رئیس سره لیدنه کړې وه

اندونیزیا به سږکال په کابل کې د ۱۲۰ زرو ډالرو په ارزښت یو نوی روغتون جوړ کړي او دغه راز به افغان محصلینو لپاره ۱۰۰ بورسونه برابر کړي. دغه روغتون به په کابل کې د اندونیزیا د اسلامي مرکز څنګ کې جوړ شي.

د دغو مرستو اعلان اندونیزیا ته د افغانستان ولسمشر د سفر په مهال وشوه.

جمهور رئیس غني وویل کوشش کوي په افغانستان کې موجودو فرصتونو او ظرفیتونو ته د نړیوالو پام جلب کړي او د نړیوالو له ‌ذهن څخه په افغانستان کې د جګړو او شخړو انځور لری کړي.

د اندونیزیا جمهور رئیس جوکو ویدودو ژمنه وکړه چې په افغانستان کې به یو لوی روغتون او یو إسلامي مرکز جوړ کړي خو ددی ترڅنګ يي په ډیرو نورو برخو کې د همکاریو موافقې هم لاسلیک کړې.

جمهور رئیس غني نن( پنجشنبې د اپریل ۶) د اندونیزیا د سوداګرۍ خونو او تاجرانو په کوربه توب غوڼده کې په افغانستان کې د پانګې آچونې په فرصتونو خبرې وکړې. د اندونیزیا د صنایعو وزیر وویل، افغانستان د سیمې د سوداګریزې راکړې ورکړې لپاره ښه فرصتونه لري او له دغو فرصتونو څخه باید د سوداګرۍ د ودې لپاره له ګډې همکارۍ ګټه واخیستل شي داسې ګډه او دوه اړخیزه همکاري چې له امله یې د دواړو هیوادونو ولسونو ته ګټه ورسیږي.

جمهو رئیس غني اندونیزیایي تاجرانو او پانګوالو ته په افغانستان کې شته فرصتونه تشریح کړل
جمهو رئیس غني اندونیزیایي تاجرانو او پانګوالو ته په افغانستان کې شته فرصتونه تشریح کړل

جمهور رئیس غني وویل، افغانستان د اسیا د څلور لارې په توګه دا ظرفیت لري چې د سیمې هیوادونه سره وصل او سوداګریزه راکړه ورکړه او اقتصادي همکاري زیاته کړي. هغه وویل، مرکزي اسیا د افغانستان له لارې په اسانۍ سره کولای شي چې خپله انرژۍ، ګاز او نور توکي د جنوبي اسیا هیوادونو ته صادر کړي.

محمد اشرف غني وویل، حکومت یي کوښښ کوي د ترانزیتي ځانګړو او لویو لارو او اورګاډي کرښې په جوړولو سره د افغانستان او سیمې د هیوادونو تاجرانو ته زیاتې اسانتیاوې رامنځته کړي.

د افغانستان حکومت پدې باور دی چې د اورګاډي کرښې په جوړولو سره به چین او ایران د افغانستان له لارې سره ونښلول شي او همدارنګه تاجران به وکړې شي د افغانستان له لارې له ۵-۷ ورځو پورې خپل مالونه اروپا او نورو هیوادونو ته انتقال کړي.

جمهور رئیس غني په افغانستان کې د کرنیزسکتور، اوبو او انرژۍ، د کانونو د رااېستلو، د ځمکو د مدیریت، کور جوړولو سکتور او نورو برخو کې په افغانستان کې د پانګونې ګڼ فرصتونه په تفصیل سره د اندونیزیا تاجرانو ته تشریح کړل.

XS
SM
MD
LG