د افغانستان د ښځو د سوداګرۍ او صنایع خوني رئیسي په کندهار کي د سوداګرۍ او صنایع خوني په اړه وویل چې د دې خوني په پرانستني سره به د ښځو له خوا سوداګري او د ښځو اقتصاد ډیر پرمختګ وکړي.
په کندهار کې د ښځو د سوداګرۍ خونو پرانیسته ځايي مقامات د ښځینه سوداګرو د پیاوړتیا لپاره مهم ګام ګڼي.د افغانستان د ښځو د سوداګرۍ او صنایع خوني رئيسه منیژه وافق وايي چې د کندهار مېرمنېپه صنعت او تجارت کي مهم رول لري.
دا زیاته وي چې د کندهار ښځینه لاسي تولیدات، دودیزي جامې او ځيني نور تولیدات په بهر کې ښه مارکېټ لري چې تر دې وروسته به د ښځو د سوداګری خونو اداره د مارکېټ په پیدا کیدو د پام وړ کارونه ترسره کوي.آغلې منیژه وافق وايې چې د هیواد په سوداګرۍ کې ۶۷ اعشاریه ۲ میلیوه ډالره پانګونه د مېرمنو ده.
د کندهار والي زلمی ویسا وايې چې پدې ولایت کې د ښځینه سوداګرۍ خونو جوړیده د ډير مېرمنو د اقتصادي ودې سره مرسته کوي.
په کندهار کې ښځینه فعالاني نیوکه کوي چې په تېر کې د مېرمنو د اقتصادي ژوند د ښه کیدو لپاره ډیري پروژې عملي شوي خو ښځو ته یې دوامداره ګټه نه ده رسېدلې.د کندهار د ښځو چارو ریسه رقیه اڅکزی غوښتنه لري چې د سوداګرۍ او صنایع خونه دي د کندهاري مېرمنو د لاسي تولیداتو لپاره بازارموندنه وکړي.
د کندهار ځايي مقامات طمع ښيي چې مېرمنو ته کاري فرصتونه برابریده د فقر او غربت په لمنځه وړلو کې مهم رول لري.تر کندهار مخکې په هرات کې هم د ښځو د سوداګری خونه پرانیستل شوې.
