د لاس رسي وړ اتصالات

په اندونیزیا کې دوه تنه نور دمرغانو په مرض مړه شویدی


دروغتیا نړیوال سازما ن تائید کړیده چې په اندونیزیا کې دوه تنه نور دمرغانو په مرض مړه شویدی .پدی سره په دغه ملک کې دمړوشمیر چې پدی مرض مړه شویدی ، اتلسو کسو ته رسیدلی دی .

محلی معاینو ښودلی چې دوه ښځی تیره هفته د ‏(‎ ‏H5N1 ‏) ‎‏‏ مکروب نه مړې شوی وی او دهانگ کانگ یولابراتوار نن دغه رپوټ تائید کړ.

هغه معاینی چې پدی وروستیو وختو کې شویدی،ښئ، په ایټالې،یونان اوبلغاریه کې په وحشی قوگانو کې د ‏ (‎ H5N1 ‏)‎ مکروب پیدا شویدی . په رومانیه کې مامورینو رپوټ ورکړیدی چې ددانوب په دلتاکې نوی پیښی شویدی چې دمرغانودمرض شک پری راځی .

دایټالی دبیطاری دچارو مامورینو نن عاجله غونډه وکړه او په یونان کې ماهران په شمالی ښار تیسالونیکی کې دچرگانو هغه فارمونه معاینه کوی چې دچرگانودمرض مکروب پکې پیدا شویدی .

ددوه زره دریم کال نه راپدی خوا په درسته نړۍ کې ددغې ناروغې نه نوی تنه مړه شویدی . ماهران وائې، مهاجر مرغان دغه مکروب خپروی.

XS
SM
MD
LG