د ناتو مامورین وایی چی افغان امنیتي قواو د افغانستان په جنوب کی د طالبانو سره په جگړه کی چی په دې وختو کی یې زور اخیستی ٢٥ مشکوک یاغیان وژلي دي .
چارواکي وایی دغه یاغیان هغه وخت ووژل سول چی پرون یې د هلمند په ولایت کی د پولیسو د تلاشۍ په یوې پوستې باندی حمله وکړه .
افغاني مقاماتو دا هم ویلي دي چی د یاغیانو په حملو کی چی ښکاره هدف یې افغان او د ناتو قواوي دي ، لږ تر لږه پنځه کسه زخمي سوي هم دي .
په څو تیرو هفتو کی په افغانستان کی د یاغیانو حملې زیاتي شوي دي . د سه شنبې په ورځ یوه ځان مرگي بم چونکي ١٨ کسه ووژل او په کابل کی هم په یوه چاودنه کی یو ایټالوی عسکر وژل سوی دی .
په عین حال کی آسترالیا وایی چی د روزگان د ولایت نه د خپلو خاصو قواو ٢٠٠ عسکر را باسی . د هغه هیواد د دفاع وزیر وویل چی دغو عسکرو هلته یو کال تیر کړ او اوس استراحت ته ضرورت لری .
هغه وویل چی آسترالیا به افغانستان ته نور ۴٠٠ عسکر واستوی چی د بیا رغوني په پروژو کی کار وکړی .