د لاس رسي وړ اتصالات

د بشري حقوقو مؤسسو د ایران نه غوښتي دي چی د تنکیو ځوانانو د اعدامونو نه لاس واخلی


د هیومن رایټس واچ په نامه د بشري حقوقو یوې بین المللي مؤسسې د ایران نه غوښتي دي چی تر اتلس کالو د کم عمر ځوانانو د اعدامولو نه دی لاس واخلی.

دغه مؤسسه وایی چی ایران په نړۍ کی تر نورو ټولو ملکونو زیات تنکي ځوانان اعداموي. هغه وایی چی په ایران کی د ٢٠٠۴ کال را پدې خوا ١٧ تنه داسی ځوانان اعدام سوي دي.

د هیومن رایټس واچ مؤسسه وایی چی ځینو تنکیو ځوانانو ته چی عمرونه یې تر پنځلس کالو کم وو د خپلو جنایاتو له کبله د اعدام سزا ورکړه سوې ده.

د دغي مؤسسې یوه مامور وویل چی ایران باید دا کار نور بند کړی او تنکیو ځوانانو ته د مرگ د سزا ورکولو په مخنیوي کی خپل بین المللي تعهدات پرځای کړی.

د هیومن رایټس واچ مؤسسه وایی چی یواځني نور ملکونه چی د ٢٠٠۴ کال راپدې خوا یې تنکي ځوانان اعدام کړي دي یو سوډان دی چی دوه تنه او چین او پاکستان دي چی هر یوه یو یو تن اعدام کړی دی.

XS
SM
MD
LG