ایران وایی چی که امریکا د ایران د ذروي پروگرام په مقابل کی نظامي اقدام وکړی نو تهران به د وسلې په توگه د خپلو تیلو استعمال رد نه کړی.
د تیلو تولیدونکو ملکونوپه سازمان ( اوپیک) کی د ایران آستاځئ ( حسین کاظمي اردبیلي) وایی چی کله چی امریکا وایی چی نظامي اقدام نه سی ردولای نو ایران به هم د خپلو تیلو نه د یوې وسلې په توگه کار واخلی.
د ښاغلي اردبیلي دا تبصره پرون د ایران د شرق په ورځپاڼه کی خپره سوې ده. دا ویره موجوده ده چی ایران به شاید د هورموز آبنا چی نړۍ ته د تیلو رسولو ډیره مهمه لار ده بنده کړی.
د امریکا د بهرنیو چارو د وزارت نطاق شان میک کورمیک وویل چی امریکا په دې کی ستراتیژیکي گټي لری چی د هورموز آبنا دی آزاده تجارتي سیمه وی.
جمهوررئیس بش پرون دا خبره بیا تکرار کړه چی د ایران د ذروی جنجال د حلولو د پاره په ټولو امکاناتو باندی خبري کیدای سی او هغه وایی چی دی غواړی دا مساله په دیپلو ماتیکو لارو چارو حل کړای سی.