د پاکستان امنیتي قواوي د هغو ١٦ عسکرو د پیدا کیدو کوششونو ته دوام ورکوی چی فکر کیږی یاغي طالبانو به تښتولي وی.
دغه عسکر پرون د پنجشنبې په ورځ په جنوبي وزیرستان کی یوې نظامي اډې ته روان وو چی ورک سول.
دا سیمه د یاغي طالبانو او د القاعده د غړو کلک مورچل دی. د پاکستان امنیتي قواو پرون وویل چی په شمالي وزیرستان کی یې د نظامی عملیاتو په وخت لږ تر لږه ١٠ یاغیان وژلي دي.
د اردو یوه نطاق وویل چی دغه یاغیان هغه وخت ووژل شول چی د سړک په غاړه یې بم چاودلی او پنځه عسکر یې زخمي کړي وو.