چارواکېو نن دپنجشنبې په ورځ ووېل چې په پکتېکا کې دمحلى ماېن پاکولو دېوې کمپنى دولس کارگران چې په پکتېا کې ېې سفرکاوه لادرکه شوېدى. دروېټر خبرى اژانس د پکتېا د ځايي چارواکېو له قوله لېکى چې دماېن پاکولو کارگران ېاغېانو برمته کړېدى.
بل پلو د امریکا اردو وایی چی افغان او د امریکا په مشري ائتلافي قواو د افغانستان په جنوب کی په یوه گوښه سیمه کی د یاغي طالبانو سره ١٢ ساعته جگړه وکړه او څه د پاسه ۴٠ طالبان یې ووژل . نن د اردو په یوه بیانیه کی ویل شوي دي چی د یاغیانو یوې ډلي د چهارشنبې په ورځ د کندهار د ولایت د شاه ولي کوټ په ولسوالي کی په ائتلافي عسکرو باندی چی گزمه یې کوله په سپکو وسلو او لاسي بمونو سره پټه حمله وکړه . خبر لېک وایی چی ائتلافی قواو یې په جواب کی د هغوی په اصلي ځایونو باندی هواي حملې وکړې . دامرېکا اردو وایی په همدې ولسوالي کی د آگسټ د میاشتي د ٢٧ مي نېټې نه را پدې خوا تقریبا ٢٠٠ یاغي طالبان وژل شوي دي . له بلي خوا برتانیې ویلي دي چی دوه عسکریې چی د هلمند په ولایت کی یې د ناتو په قواو کی خدمت کاوه د چهارشنبې په ورځ د بم په چاودنه کی چی موټر یې پر برابر سو ، وژل شوي دي . همدارنگه د هلمند په ولایت کی دوه پولیسان هم د بم په چاودنه کی مړه شوی دي .