د ایران حکومت ویلی چی عراق تری غوښتی چی د عراق د امنیتی چارو په هکله په راتلونکی میاشت کی د امریکا سره د مذاکراتو د کولو لپاره د دوی په بلنه گډون وکړی.
د ایران د حکومت یوه نطاق محمد علی حسینی نن وویل چی ایران به د امریکا او ایرانی چارواکیو ترمینځ د جنوری د مذاکراتو د پاره د عراق په وړاندیزغور وکړی.
واشمگټن او ایران د اوه ویشت کالو ډیپلوماتیکی اړیکو د نشتوالی وروسته سږ کال دری ځله په بغداد کی د عراق په هکله مذاکرات وکړل.
وروستی مذاکرات د آگست په میاشت کی وشول. د ایران د بهرنیو چارو وزیر منوچهر متکی تیره میاشت ویلی چی د امریکا سره یی د څلورم دور مذاکراتو کولو موافقه کړی خو نیټه یی ونه ټاکله.
د امریکا او عراق حکومتونه به د امریکا او ایران د راتلونکو مذاکراتو نیټه وروسته وټاکی.
واشنگټن او تهران په عراق کی د روان تشدد پړه یو په بل باندی وراچوی او د دوی ترمینځ پخوانیو مذاکراتو کومه نتیجه نه وه ورکړی.