پنتاگون اعلان کړی چی په افغانستان کی د امنیت د ټینگولو لپاره به امریکا دری زره دوه سوه نور د سمندری پوځ پلی عسکر افغانستان ته واستوی.
جمهور ریس بوش نن دغه وړاندیز چی د امریکا دفاع وزیر، رابرت گیتس لخوا ورته شوی، منظور کړ.
د امریکایی قواوو د دغو اضافی عسکرو دوه ویشت سوه به یی د نړیوالو امنیتی مرستندویو فواوو آیساف تر قوماندی لاندی خدمت وکړی او پاتی زر تنه نورعسکر به یی د افغانستان د پوځ او پولیسو د روزنی په چارو بوخت وی.
د امریکا پوځی چارواکی وایی چی د اضافی عسکرو لیږل موقتی دی او د افغانستان د امنیت سره د امریکا د تعهد ښکارندوی دی.
د اضافی عسکرو لیږل له دی کبله شوی چی د نړیوالو قواوو د اوه زره پنځه سوه عسکرو د کمبود تلافی وکړی.
په دی دوو تیرو کالونو کی د امریکا ،ناتو او افغان قواوو پرخلاف حملی زیاتی شوی دی.
اټکل شوی چی د پسرلی په راتگ او د واورو په ویلو کیدو سره چی لاری خلاصیږی دغه حملی به زیاتی شی.