د امریکا ځو سناتورانو د افغانستان د امنیت ساتنی او بیا رغونی په باب، خپل ملا تړ ځرگند کړی دي.
مشهورو او با نفوذو سناتورانو، جو بایدن، چک هیگل او جان کیری، نن په کابل کی د افغانستان د جمهور ریس، حامد کرزي، سره وکتل.
هغوی د هند د سفر او د پاکستان د انتخاباتو د ځارنی نه وروسته کابل ته رسیدلی دي.
دغه امریکایی هیأت، جمهور ریس کرزی ته د افغانستان د بیا رغونی دپاره د امریکا د کانگرس ملا تړ تضمین وکړ. هغوی دغه راز، هغه پر مختک هم وستایه چی تر اوسه پوری په هغه ملک کی راغلی دی.
له بله خوا، د ناتو عمومی منشی، یاپ دی هوپ سخیفر، هم نن افغانستان ته ناځاپی سفر کړی دی. د ناتو چارواکي وایی چی سخیفر به د جمهور ریس حامد کرزی سره ملاقات وکړی او د امنیت ساتنی هغه قواو به وگوری چی په افغانستان کی خدمت کوی.