د دوشنبې په ورځ د ایتلاف او ناتو د قواو عسکر، د مود او فیشن هغی نندارې ته تللي و چی د افغان ښځو د موسسې له خوا د مارچ په اتمه د ښځو د نړیوالې ورځی د نمانځلو په ویاړ، ترتیب شوی وه.
د کابل شمال پلو، د امریکایی قواو په مرکزي قرار گاه کی، د امریکایی قواو ښځینه عسکرو ددې فیشن شو په ترڅ کې، افغاني جامي واغوستی او نورو ته یی ور ښکاره کولې.
د امریکایی قواو یوی عسکرې میري گیل د اسوشیتد پرس خبری اژانس ته وویل دا هغوی ته یوه ښه موقع ده چی د لنډې مودی د پاره د عسکري دریشیو پر ځای، ښکلی جامی واغوندي.