د لاس رسي وړ اتصالات

انتخابات: اوبامه د وییومینگ په ایالت کی گټلی دی


د امریکا د جمهوری ریاست دپاره د دیموکرات گوند کاندید، براک اوبامه، د ویا ومینگ په ایالت کی د خپلی مخالفی کاندیدی میرمن هیلری کالنټن نه میدان گټلی دی.

په دی ایالت کی شوو مقدماتی انتخاباتو کی ښاغلی اوباما ٦١ فیصده رایی گټلی دی.

د دې رایو په اساس سناتور اوبامه د دی ایالت د هغو دولسو استازونه، اووه په برخه رسیدلی دی چی سږل کال به د دیموکرات گوند په ملی کانگره کی برخه اخلی.

د میرمن کلنټن یوی مشاوری ویلی دی چی د ویا ومینگ ایالت رایی د دواړو کاندیدانو ترمنځ قریب نیمایی نیمایی ویشل شویدی.

د میرمن کلنټن انتخاباتی مبارزه کی هغه وخت نوی ساه راغله چی کله یی تیره سه شنبی په څلور کی دری ایالتونه وگټل.

دا کامیابی ورته د سناتور اوبامه د پرله پسی یولسو کامیابیو نه پس ډیره مهمه ثابته شوی. د یوی تازه سروی نه معلومه شویده چی د دیموکرات گوند په مقدماتی انتخاباتی مبارزه کی دواړه سناتوره کلنټن او سناتور اوبامه ډیر سره نیزدی روان دی.

XS
SM
MD
LG