د لاس رسي وړ اتصالات

یاغیانو په قبایلي سیمه کی یو پاکستاني عسکر وژلی دی


مشکوکو یاغیانو د پاکستان په قبالي سیمه کی یو پاکستاني عسکر له دې کبله وژلی دی چی د راکټ د هغي حملې انتقام واخلي چی ویل کیږی د امریکا د بې پیلوټه الوتکي له خوا ویشتل سوی و . د باجوړ په سیمه کی یوه محلي مامور ویلي دي چی ددغه عسکر مړی نن د جمعې په ورځ د کر د ښارگوټي نه تقریبا اته کیلو متره لیري پیدا شوی دی .

چارواکي وایی په یوه لیک کی چی په دغه مړي باندی پروت و ، ویل شوي دي چی دغه عسکر د ډماډالله په کلي کی په یوه کور باندی د چهارشنبې په ورځ د حملې په انتقام کی ووژل شو . دا لیک د تحریک طالبان د ډلي له خوا لاسلیک شوی دی .ددغي ډلي یوه نطاق مولوي عمر پرون ویلي و چی ددغي حملې چی گمان کیږي امریکا کړې ، انتقام به واخلی . د پاکستان د بهرنیو چارو د وزارت مامورین وایی چی دوی ددې حملې په باب تحقیقات کوی .

XS
SM
MD
LG