د لاس رسي وړ اتصالات

په چین کې د زلزلې له آمله راپیدا شوی جهیل، نورو ټکا نونو لړزولی دى


په چین کې د زلزلې نورو ټکا نونو هغه جهیل لړزولی چې د تیرې میاشتې د قوي زلزلې له آمله رامنځته شوی او په زرگونو کورونه یې د سیلاب له خطر سره مخ کړي دي.

امریکايي زلزله پوهانو ویلي چې د ریختر په اندازه پنځه اعشاریه صفر درجې د زلزلې تازه ټکان د سیچوان په زلزله ځپلی ولایت کې پیښ شوي او دغه جهیل ېا لوى ډنډ هم په سېچوان کې واقع دی.

د یکشنبې په ورځ هم په همدغه اندازه د زلزلې قوى ټکانونو دا سیمه لړزولې وه. سیمه ییز چارواکي وايي چې د زلزلې تازه ټکانونو پر جهیل ډیر تاثیر نه دی کړی خو د سینهوا خبري آژانس ویلي چې اوسنۍ وضعه ډیره خطرناکه ده.

د یکشنبې په ورځ د جهیل په مخکې پرتې غټې ډبرې د راکټ په فیرونو ماتې کړې چې په جوړو شویو تر ځمکې لاندې ویالو کې ددغو اوبو د بهېدو جریان قوي شي.

خو له دې هر څه سره د اوبو سطحه مخ په لوړه روانه ده. د جهیل له کوزې خوا نه تقریبا ٢٥٠ زره کورونه نورو سیمو ته لیږدول شوي دي خو لا تر اوسه ډیرې نورې کورنۍ له خطر سره مخ دي.

XS
SM
MD
LG