پاکستانی پوځی چارواکی وایی چی په قباییلی سیمه کی په هغه جنگ کی چی همدا اوس
روان دی لږ تر لږه ٢٥ یاغیان او پنځه عسکر وژل شوی دی.
د پاکستان پوځی چارواکیو ویلی چی دغه جنگ نن له هغه وروسته ونښت چی امنیتی قواوو د سوات په دره کی شل کسه یاغیان ووژل .
پاکستانی چارواکی وایی چی دوی د سوات په دره کی په هغو دیرش کسه عسکرو پسی گرځیدل چی د سی شنبی په ورځ د هغوی په پوسته باندی په حملی کی نیول شوی وو.
د طالب پلوه یاغیانو د مشر مولانا فضل الله نطاق مسلم خان تصدیق کړه چی جنگ روان دی مگر وویل چی د هغوی د جنگیالیو د مرگ ژوبلی شمیر ډیر کم دی.
د پاکستان پوځ د سوات په دره کی په داسی حال کی چی د یاغی طالبانو
اوحکومتی قواوو ترمینځ نوی جگړی پیل شوی دی د شپی گرځیدنی بندیز لگولی دی.
همداشان پاکستانی چارواکی زیاتوی چی یاغی طالبانو په شمالی وزیرستان کی یوه ښځه امریکا ته د جاسوسی په تور په ټوپک وویشته او مړه یی کړه. چارواکی وایی چی یاغیانو د گل زاده بی بی مړی د میرانشا ختیځ پلو یوه کلی ته نژدی غورځولی ؤ.
چارواکی او عینی شاهدان وایی چی د دی ښځی د مړی سره یو لیک اچول شوی و. په دی لیک کی لیکل شوی و چی دغه ښځه له هغه وروسته ووژل شوه چی په سټلایت ټلیفون یی د امریکایی ارطباتیانو سره خبری کولی.
د دوشنبی په ورځ طالب پلوه یاغیانو په منگوره کی چی د سوات په دره کی یو غټ ښارگوټی دی د پاکستان د استخباراتو دری کسه مامورین وژلی وو.