د ٢٠٠١ کال د سپتمبر د یوولسمې د تروریستي بریدونو څخه یو یې د واشنگټن په څنگ کې وشو. اوس د هغی پیښی څخه اوه کاله ورسته، هغه ځای چې یو وخت د غمیزې او تلفاتو صحنه وه، په یادگاري څلي بدل شوی چی د پیښی څخه راپاتې کسانو ته به د هیلو او سولې سبب شي.
د ٢٠٠١ کال د ستپمبر په یولسمه، ٧٧ لمبر پرواز الوتکه د متحده ایالاتو د دفاع د وزارت په مرکز، پنتاگون، باندی ولوېدله او په الوتکه کې د ناستو ٥٩مسافرو سربیره یې د پناټگون ١٢٥ نظامي او ملکی کارکوونکي هم له مینځه یوړل.
د پولیسو، اطفائیی کارکوونکی او روغتیایی عاجلو کارکوونکو د هڅو سره سره په دی پیښی کی ١٨۴ کسانو خپل ژوند له لاسه ورکړ.
اوس د دی ودانی سوځیدلی برخه نوره نه دی پاتې، او پر ځای یې د پنتاگون د ودانی تر څنگ یو یادگاري پارک جوړ شوی.
پدی پارک کی ١٨۴ څوکی ایښودل شوی دی او په هری څوکی باندی په پیښی کې د وژل شوی کس نوم لیکل شوی.
د اطفائیی د بېړنیو پیښو د څانگې مشر، جیم شوارتز په څېر د بېړنیو مرستو کارکونکو ته چې په هغه ورځ هلته موجود ول، دا ځای پوره بدل ښکاري.
"زه فکر کوم چی لومړنی لوی توپیر دا دی چی دا ځای ډیر ارامه دی چی د هغی ورځی د تلفاتو ښکارندوي کوی. زه هیله لرم، هغه کورنی چی خپل عزیران یی پدی ورځ له لاسه ورکړی دغه ځای ته په راتگ سکون ومومی او د هغوی یادونه هیر نکړی."
کتی دلابیرچی د پیښی په ورځ یې په پنتاگون کی کار کاوه له نیکه مرغه خوندي پاتې شوه. خو له بده مرغه د هغی وړه خور، پتی چه هغې هم هلته کار کاو په پیښی که ووژل شوه.
"دا پتی ده، هغه وخت پخپلی لور میندواره وه. هغه زمونږ په څلور خوندو وروڼو کې تر ټولو کشره وه. هغی ډیر دوستان درلوده."
"کاشکي زما د خور د یاد نښه دلته نه واي، خو اوس شته، غواړم چی د پتی د یادونو قدر ورکړم. دوی دا ځای ډیر ښکلی ډیزاین کړی. زه د خپلو ټولو همکارانو د یاد درناوی کوم. هغوی ډیر ښه خلک ول."
د ودانیو ماهر کیت کیسمن او جولی بیکمن دغه څوکی په ځانکړی زاویه ډیزاین کړی چی د الوتکی د دننه قربانیانو او د پنتاگون د ودانی د قربانیانو توپیر وشی.
دا یادگار به سږ کال په یوولسم د سپتامبر د مراسمو په ترڅ کی چې ددغې پیښې د قربانیانو په یاد جوړیږی، هغوی ته ډالی شي، او وروسته به د تل لپاره خلکو ته پرانستل شي.