د فلسطین صدراعظم سلام فیاض له خپلې دندې نه استعفا کړې چې د فلسطین د یوه متحد حکومت جوړېدو ته لاره هواره کړي.
ښاغلي فیاض نن وویل، خپل استعفا خط یې جمهور رئیس محمود عباس ته ورکړی او د یوه متحد فلسطیني حکومت له جوړېدو سره به عملي شي، چې ددې میاشت تر پایه پورې یې تمه کیږي.
دا په داسې حال کې ده چې د ښاغلي عباس د حکومت او د حماس د تندلارې ډلې تر منځ د واک د شریکولو پر سر خبرې بیا پیل شوي دي.
ښاغلي عباس په ٢٠٠٧م کال کې هغه وخت سلام فیاض د صدراعظم په توگه مقرر کړ چې حماس د غزې تړانگه ونیوله.
حماس څو څو ځله د ښاغلي فیاض د استعفا غوښتنه کړې او ویلي یې دي چې د هغه حکومت نامشروع او د اساسي قانون خلاف دي.