د لاس رسي وړ اتصالات

هلمند کې پراخ عملیات دوام لري


د امریکا عسکرو نن د جمعې په ورځ د افغانستان په جنوبي ولایت هلمند کی ښه تر ډیر حد پوری ځانونه رسولي دي او په هغو کلیو او ځایونو کی چی د طالبانو په کنټرول کی وو د لږ مقاومت سره مخامخ شوي دي.

د امریکا دا تعرضي عملیات د هغو څلور زره عسکرو په مشري کیږی چی پرون د پنجشنبې په ورځ د هلمند ولایت ته رسیدلي دي. ددې عملیاتو مقصد دادی چی یاغي طالبان ددغو سیمو نه وباسی او د آگسټ د میاشتي په شلمه نېټه د جمهوري ریاست د انتخاباتو نه مخکي د سیمي امنیت وساتی.

ددغو امریکایي عسکرو نطاق بیل پیلیټییر وویل چی پر امریکایی عسکرو باندی یوازی خال خال ډزي وسوې، مگر هغه خبر داری ورکړ چی امکان لری دا حال به بدل سی. هغه وویل چی ددوی ټوله توجه به دې ته وی چی یاغي طالبان وباسی او د خلکو باور او اعتماد تر لاسه کړی.

د امریکا اردو وایی چی په دې عملیاتو کی یو امریکایی عسکر وژل سوی او څو تنه نور زخمی شوي دي.

په دې عملیاتو کی په سل گونو افغان عسکرو او پولیسانو هم برخه اخیستې ده.

له بلي خوا د امریکا چارواکي وایی چی اردو یې د خپلو ټولو منابعو نه استفاده کوی چی هغه امریکایی عسکر پیدا کړی چی ویل کیږی د تیري سه شنبې په ورځ د پکتیکا په ولایت کی طالبانو نیولی دی.

XS
SM
MD
LG