په یوه خپاره شوی رپوټ کی راغلی چی په افغانستان کی د جرمنی قواوو یوه قوماندان ممکن د ناتو د مقرراتو نه سرغړونه کړی وی چی د یوی استخباراتی منبع په اساس یی د کندز په ولایت کی د بمباری امر ورکړی چی ملکی خلک پکی ووژل شول.
د اشنگټن پوست ورځپاڼه لیکی چی دغه هوایی بمباری د ناتو د مقرراتو نه سرغړونه ده چی باید د ملکی خلکو د تلفاتو مخنیوی وشی.
دغه ورځپاڼه لیکی چی ددغو مقرراتو له مخی د یوی استخباراتی منبع په اساس باید بمباری ونشی.
دغه ورځپاڼه لیکی چی جرمنی صآحب منصبانو د امریکایی جټ الوتکو نه داسی ویدیو ټیپونه ترلاسه کړی چی د تیلو د هغو دوو ټانکرونو تر خوا خلک واړه واړه ښکاریدل چی طالبانو تښتولی وو.
خو په دی ویدیو کی دا نه ښکاریدل چی خلکو وسلی درلودې او که نه.
د واشنگټن پوست لیکی چی یو افغان جاسوس په دی ټینگار کاوه چی په دی سیمه کی ټول موجود خلک یاغیان وو.
د واشنگټن پوست په قول د ناتو د حقایقو د میندلو ټیم ویلی چی تقریبآ ١٢٥ تنه وژل شوی چی لږترلږه ٢۴ تنه یی یاغیان نه وو.
محلی چارواکیو ویلی چی اکثریت وژل شوی کسان ملکی وگړی وو.