د افغانستان د جمهور رئیس حامد کرزي مهم سیاسي سیال او د جمهوري ریاست کاندید عبدالله عبدالله وايي دې ته تیار دی چې د ښاغلي کرزي سره مقابله وکړي خو په عین وخت کې هغه د کرزي سره په یوه ایتلافي حکومت کې گډون هم رد نه کړ.
عبدالله عبدالله نن په کابل کې خبریالانو ته وویل چې د کرزي سره به په قدرت کې د شریکیدو د امکاناتو په باب فعلا څه ونه وايي اولومړی باید انتخابات وشي او دا انتخابات باید دا ځل ریښتیني او شفاف وي.