چارواکو پرون د جمعې په ورځ اعلان وکړ چی اووه نور بانکونه هم وتړل سول چی په دې سره د ټولو هغو بانکونو شمیر چی په روان میلادي کال کی تړل شوي ١٠٦ ته ورسید.
په تیر وخت کی هم کله چی په یوه واحد کال کی کوم بانکونه د خپلو فعالیتونو د ناکامیدو په وجه تړل شوي وو، هغه ١٩٩٢ کال و چی ټول ١٨١ بانکونه وو.
سږکال هم په دغو ١٠٦ بانکونو برسیره په سلگونو نور بانکونه هم د خپلو فعالیتونو د ناکامۍ له کبله د بندیدو د خطر سره مخامخ دي. حکومت هیله لری چی د اقتصاد د بیا ښه کیدو سره به د بانکونو حال بیرته ښه سی، مگر یوې مالي حکومتي ادارې ویلي دي چی د بانکونو په تړلو سره به تر ٢٠١٣ کال پوری څه د پاسه ١٠٠ ملیارډ ډالره تاوانونه ورسیږی.