د لاس رسي وړ اتصالات

د امریکا اقتصاد وده کړې ده


د امریکا اقتصاد د یوه کال دوامداره تاوانونو نه وروسته د جولای، اګست او سپتمبر په میاشتو کې بیرته وده کړې ده.

ددغه ملک د تجارت د وزارت د پنجشنبې د ورځې په رپوټ کې ویل شوي دي چې د امریکا مجموعي داخلي تولیدات د کال په دریمه ربع کې ۳،۵ فیصده وده کړې ده چې دا تر هغه چې اکثرو اقتصاد پوهانو یې پیشبیني کړې وه، زیاته ده.

د یوه ملک مجموعي داخلي تولیدات د هغه د اقتصادي ودې او انکشاف نښه ده.

ځینې اقتصاد پوهان وايي چې ددغو داخلي تولیداتو او د مستهلکینو د لګښتونو د زیاتیدو یوه وجه حکومتي اقتصادي مرستې او ژغورونکي پلانونه دي.

د تجارت د وزارت په رپوټ کې دا هم ویل شوي دي چې د مستهلکینو په لګښتونو کې هم د کال په همدې ربع کې ۳،۴ فیصده زیاتوالی راغلی دی.

او همدا د مستهلکینو تقاضا او لګښت د امریکا د اقتصاد په درو کې دوې برخې تشکیلوي.

بل خوا، امریکا او چین په داسي حال کی په تجارتي خبرو باندی شروع کړی ده چی دواړي خواوی په دی لټه کی دي چی د یولړ موضوګانو په باب چی د نړۍ د اقلیم پاک ساتل او ځینی نوری تجارتي جنجالي مسایل هم په کی شامل دي، ګدی د حل لاری پیدا کړي.

د امریکا د تجارت وزیر ګیري لاک د چین په ختیځ کی د (هانګ ژوا ) په ښار کی د دی خبرو د پیل کیدو په وینا کی وویل چی دا مهمه ده چی دواړه هیوادونه باید په دی خبرو کی ثابت پرمختګ وښيي. هغه وویل چی امریکا او چین باید خپلو خلګو ته دا وښيي چی دوی دواړه په ګډه کار کولای شي.

د تجارت او اقتصاد په باب د امریکا او چین د ګډ کمیسون دا کلنۍ غونډه څو هفتی مخکي له دی کیږي چی د امریکا جمهور ریٌس بارک اوباما غوړاي چین ته خپل لومړنۍ سفر وکړي.

امریکايي استاځي ګیري لاک وویل چی په خبرو کی ځینی اختلافونه راپیدا شول ملګر هغه دا اختلافونه د روابطو پخیدل وبلل.

د نن ورځی په غونډه کی چین اعلان وکړ چی د امریکا نه د خوګ د غوښی په وارداتو باندی به هغه بندیز لیري کړي چی ددی کال په سر کی د ( اچ ون ان ون ) وایروس یا د خوګانو د والګی د ویري له کبله یی پر لګولي و.

XS
SM
MD
LG