د لاس رسي وړ اتصالات

کلینټن د قبایلو له مشرانو سره وکتل


د امریکا د باندنیو چارو وزیرې هیلري کلینټن یو ځل بیا د پاکستان دپاره د امریکا د پالیسۍ څخه دفاع وکړه په داسي حال کې چې په دغه ملک کې خلک د مخ پر زیاتیدونکي تاوتریخوالي نه سرټکوي.

میرمن کلینټن د جمعې په ورځ په اسلام آباد کې د قبایلي سیمو د قومي مشرانو د یوې ډلې سره وکتل.

په عین حال کې د پاکستان د پارلمان یو غړي د میرمن کلینټن نه وغوښتل چې په افغانستان کې د تشدد د پای ته رسولو دپاره دي د مخالفینو سره خبري وکړي او کرار کرار دي دغه لړۍ د پاکستان خوا ته هم وروغځوي.

کلینټن د مخالفینو سره د خبرو اترو نظر ته هرکلی ووایه خو زیاته یې کړه چې امریکا مجبوره شوه په نظامي اقداماتو لاس پوري کړي ځکه چې د ۲۰۰۱ کال د سپتمبر د یوولسمې نېټې د حملو نه وروسته طالبانو دا رد کړه چې د القاعدې مشران مونږ ته راوسپاري.

د دې نه یو ورځ مخکي میرمن کلینټن په لاهور کې د پوهنتون محصلینو ته د خبرو پر مهال وویل چې هغه دا نشي منلای چې د پاکستان حکومت د القاعدې مشران نشوای نیولای که یې په ریښتنې ډول پسې هلې ځلې کړي وای.

دغه راز په یو بل ریپوټ کې راغلي چې پاکستاني قواوو د افغانستان سرحد ته نېږدې کله چې د طالبانو مرکزونه یې په نښه کول یو پاسپورټ یې موندلی چې د القاعدې ترهګرو د یوغړي دی چې د سپتمبر د یوولسمې نیټې د حملو په پلانولو کې یې لاس درلود.

XS
SM
MD
LG