په داسي حال کې چې د افغانستان د جګړې په هکله د عامو خلګو ملاتړ را کمېږي، د برېتانیې صدراعظم ګورډن برون وايي چې دی د افغانستان ماموریت ته متعهد دی.
خو ښاغلي برون وویل چې ده د افغانستان جمهور ریْس کرزي ته وویل چې د بریتانیې ملاتړ د ښاغلي کرزي د حکومت د هڅو سره تړاو لري چې څنګه د اداري فساد پر ضد مبارزه کوي.
ښاغلي برون په یوه بیانیه کې نن په لندن کې وویل چې د بریتانیې پرضد تروریستي حملې په پاکستان او افغانستان کې پلان او طرح کېږي او بریتانیه به دا ماموریت په داسي آسانۍ سره پرې نږدي.
د افغانستان په ماموریت کې د بریتانیوي عسکرو مخ په زیاتېدونکو تلفاتو په بریتانیې کې د دغه ماموریت په باب د عامه خلګو ملاتړ راکم کړی دی.
تیره اونۍ په یوې زړه بوږنونکي پېښه کې یوه افغان پولیس پنځه برتانوي عسکر ووژل.
په افغانستان کې نېږدې ۹ زره بریتانوي عسکر شته چې د ۲۰۰۱ کاله راهیسې ۲۳۰ تنه یې په بیلابیلو پېښه کې وژل سوي دي.