پاکستانی چارواکی وایی چی د امریکا د بی پیلوټه الوتکی په بمباری کی شل یاغیان وژل شوی دی. چارواکی زیاتوی چی کیدای شی د مړیو شمیر زیات شی.
دغه حمله نن د جنوبی وزیرستان د شکتوی په سیمه کی وشوه.
د امریکا او پاکستان ترمینځ د بی پیلوټه الوتکی د بمباری په سر اختلاف موجود دی. پاکستان دغه حملی د هغوی په خپلواکی باندی تعرض بولی.
خو واشنگټن وایی چی بی پیلوټه الوتکه په لیری پرته قباییلی سیمه کی ډیره موثره وسله ده .
پاکستانی یاغی طالبانو پرون د ثبت شوي غږ یو نوی ویدیو ټیپ خپور کړ او وایی چی دا یی ثابته کړه چی د هغوی مشر حکمت الله محسود د دی اونی په سر کی د بی پیلوټه الوتکی د بمباری نه بچ شوی دی.
د پاکستان استخباراتو ویلی وو چی د بی پیلوټه الوتکی په بمباری کی محسود زخمی شوی و ، په دی بمباری کی لږ تر لږه دولس تنه یاغیان وژل شوی وو.
امریکا له هغه وروسته د بی پیلوټه الوتکو بمباری زیاته کړی چی د خوست په ولایت کی په ځان مرگی حمله کی د هغوی د استخباراتو اوه تنه غړی ووژل شول .