د لاس رسي وړ اتصالات

اسرایلو فلسطینانو ته د لودیځې غاړې پوله بنده کړې


د اسرایلو پوځ د فلسطینیانو پرمخ لویدیځه غاړه بنده کړې او فلسطینیان نشي کولای چې ترراتلونکو ۴۸ ساعتونو پوري اسرایلو ته ورننوزي.

اسرایلو دغه پوله پرون د پنجشنبې په ورځ وتړله او د شنبې تر ورځې تر ماښامه پوري به یې خلاصه نه کړي.

دغه راز د اسرائیلو حکومت دا هم ویلي دي چې د راتلونکې جمعې په ورځ به د الاقصی په جومات کې د ۵۰ کلونو نه کښته عمر لرونکو ته د لمونځ اجازه ورنکړي. د الاقصی جومات په بیت المقدس کې چی د مسلمانانو او یهودانو دواړو دپاره مقدس ښار دی، واقع دی.

حکومت ویلي دي چې دغه پرېکړه یې په دې خاطر کړېده چې د تشدد مخنیوی وکړي.

د دواړو خوا تر مینځ وروسته له هغه چې اسرایلو اعلان وکړ چې غواړي په بیت القمدس کې خپل څو مذهبي ځایونه ترمیم کړي، جنجالونه راپیدا شوي دي.

XS
SM
MD
LG