دملگرو ملتونو رپوټ وایی چی په افغانستان کی وروسته له اتو کالونو نه چی نړیوالی ټولنی بیلونو ډالره دغه هیواد ته ورلیږلی دی سره له د ی هم فقر اونیستی ، په پراخه توگه موجوده ده.
دملگروملتونو د بشری حقوقو د عالی کمشنر دفتر وایی چی د افغانانو په درو برخو کی یوه برخه په بشپړ فقر کی ژوند کوی او خپل ورځنی ضروریات نشی پوره کولی. په داسی حال کی چی بله دریمه برخه د فقر او نیستی نه لږ شان پورته سطحه کی ژوند کوی.
دغه رپوټ چی دسه شنبی په ورځ خپور شویدی، د فقر اونیستی پړه دنورو ستونزو تر څنگ په اداری فساد، وسله والی شخړی او دمورمیری په سلوک باندی وراچوی.
څیړونکي وایی چی د قدرت نه ناوړه استفاده کول دفقر په زیاتوالی کی ډیرمهم نقش لری. په دی لړ کی دنورو ستونزو ترڅنگ د حکومت د کارونو د پیداکولوپه مقابل کی رشوت ورکول، او ډیرو بنیادی خدماتو په مقابل کی چارواکیو ته رشوت ورکول شامل دی.