د ننگرهار په ولایت کی د انتخاباتو د چارو یوه بله کار کونکی د ماین په چاودنه کی وژل شوی او لږ تر لږه دوه نور کسان زخمی شوی دی . د ننگرهار د خوگیاڼو د ولسوالی پولیس وایی ددغه پیښی قربانیان په راتلونکو انتخاباتوکی د ښځو رایی ورکونکو د نوم لیکنی د پروگرام نه بیرته راتلل چه موټر یی په ماین وخوت. سمدستی هیڅ چا ددی پییښی مسولیت په غاړه ندی اخستی ،خو د طالبانو جنگیالیو د انتخاباتو د چارو په مامورینو باندی پدی خاطر یو لړ حملی کړی چی ددی کال په اخر راگیری گډه وډه کړی . تیره میاشت د بم په یوه چاودنه کی د رایی گیری د چارو دری ښځی مامورانی د جلال اباد په ښار کی ووژل شوی او د طالبانو جنگیالیو د ارزگان په ولایت کی لږ تر لږه اووه لس نارینه ځکه وژلی دی چه د انتخاباتو کارتونه یی اخستی و.