د لاس رسي وړ اتصالات

د پاکستان په مرکزی برخه کی د موټر بم په چاودنه کی لږ تر لږه ٣٩ کسه مړه او په لس هاو نور زخمی شوی دي  - 2004-10-07


د پاکستان په مرکزی برخه کی د موټر بم په چاودنه کی لږ تر لږه ٣٩ کسه مړه او په لس هاو نور زخمی شوی دي . دا حمله نن سهار وختی د ملتان په ښار کی په داسی وخت کی وشوه چی پولیس وایی د سنی مسلمانانو د یوې تندروي ډلي په سلهاو غړو د خپل یوه مشر اعظم طارق د وژلو د لومړۍ کالیزی د لمانځلو د پاره غونډه جوړه کړې وه . پولیس وایی موټر بم په ریموټ کنټرول سره وچاود . ددې حملې په باب سمدستی چا څه نه دی ویل چی د چا کار و . دا چاودنه شپږ ورځی وروسته له هغه وشوه چی د پاکستان د سیالکوټ په ښار کی ٣١ شیعه مسلمانان د یوه سرتیري له خوا د بم په چاودنه کی هغه وخت ووژل شول چی لمونځ یې کاوه . په پاکستان کی په دې وروستیو کلونو کی ددغو دوو اسلامی ډلو تر منځ په حملو کی په سلهاو خلک وژل شوی دی .

XS
SM
MD
LG