د لاس رسي وړ اتصالات

سوریه کې تر اوسه ۱۴۰۰ مظاهره چیان وژل شوي


سوریه کې تر اوسه ۱۴۰۰ مظاهره چیان وژل شوي

سوریه کې تر اوسه ۱۴۰۰ مظاهره چیان وژل شوي

د سوریې خلک او مبارزین وایي، امنیتي قواوو تیره شپه پایتخت دمشق ته څیرمه، د حکومت ضد دوه مظاهره چیان ویشتلي دي او دواړه مړه دي.

دغو مبارزینو او د سیمې خلکو ویلي، ډزې په حجر الاسود کې شویدي.

پدغه ځای کې د جمهورریس بشارالاسد د واکمنی په ضد مظاهرې عمومیت لري.

همدغه راز عیني شاهدانو وویل چې نن حکومتي ټانکونه د حما ښار شاوخوا کې ځای په ځای شول. دغلته عسکرو څو کسه په دې گومان چې ناراضیان دي، ونیول او په حکومتي ضد مظاهره چیانو د حملې په وخت کې د ټوپکو ډزې هم واوریدل شوې.

لږ تر لږه ۱۵۰ زره خلکو د جمعی په ورځ په حما کی مظاهره کړې وه.

د مارچ په میاشت کې د جمهورریس اسد د واکمنی ضد د مظاهرو د پیل راهیسې تر اوسه پورې دومره لویه مظاهره مخکې نه وه شوې.

جمهور ریس اسد د شنبې په ورځ، یعنې د مظاهرې په سبا، د حما والي له کاره برطرف کړ.

امریکا او اروپایي اتحاد په جمهورریس اسد او د هغه په سلاکارانو باندې یو لړ بندیزونه لګولي دي چې مجبور شي او د ډیموکراسی د پلویانو د ځپلو نه لاس واخلي.

د بشري حقوقو ډلې وایي امنیتي قواوو، د مارچ د میاشتې د نیمایي راهیسې تراوسه پورې یو زرو څلور سوو نه زیات خلک وژلې دي چې اکثره په کې بې وسلې او تش لاسي مظاهره چیان وو.

XS
SM
MD
LG