د لاس رسي وړ اتصالات

تر اوسه 2700 بهرني عسکر په افغانستان کې وژل شوي


تر اوسه 2700 بهرني عسکر په افغانستان کې وژل شوي

تر اوسه 2700 بهرني عسکر په افغانستان کې وژل شوي

یوه خپلواکه ډله چې په افغانستان کې د مرګ ژوبلې مالومات راټولوي ، وایي چې په افغانستان کې د 2001 میلادي کال نه راپدیخوا تر اوسه پورې 2 زره 7 سوه بهرني عسکر وژل شویدي.

خو پدغې لس کلنې جګړې په زرګونه ملکي افغانان هم وژل شویدي.

کله چې لس کاله وړاندې په افغانستان باندې د امریکا په مشرۍ نړیوالو قواوو یرغل وکړ، ورسره په هغه هیواد کې یو نوی فصل پیل شو.

د بشري حقونو د ډلې یو تن غړی نادر نادري وایي چې د کلونو جګړو نه ستومانه افغانانو هیله درلوده چې نور به نو هغوي په سولې او آرامۍ کې ژوند کوي خو له بده مرغه چې داسې ونشول.

" د طالبانو د رژیم د ړنګیدو نه وروسته، افغان ولس داسې فکر کاوه چې نوره جګړه پای ته ورسیده او بېګناه خلک به نور نه وژل کیږي. "

خو د خلکو دغه هیلې پوره نشوې، او د یاغیانو او نړیوالو قواوو په بریدونو کې زیات ملکي خلک ووژل شول او یا ټپي شول.

څلور کاله کیږي چې د ملګرو ملتونو د مرستو د انسجام ادارې (UNAMA) په افغانسان کې د مرګ ژوبلې په اړه مالومات راټولول پیل کړیدي. د دغې ادارې په رپوټ کې ښودل کیږي چې کال په کال د ملکي خلکو وژل کیدل زیات شویدي.

د یوناما د رپوټ له مخې په 2007 میلادي کال کې 15 سوه ملکي افغانان وژل شوي ؤ خو په 2010 کال کې بیا 2700 ملکي افغانان ووژل شول. او ملګرو ملتونو رپوټ ورکړ چې د روان میلادي کال په لومړیو شپږو میاشتو کې 2400 ملکي کسان د جګړې په بیلا بیلو پیښو کې وژل شویدي چې زیات شمیر کورنۍ یې د غم په ټغر کښینولې.

یوه مور چې زوی یې په جګړې کې وژل شویدی، د افغانستان د ولسمشر حامد کرزي نه غواړي چې د کابل د ښار یوه کوڅه دې دهغه د زوی په نامه کړي.

" زما زوی په جګړې کې وژل شویدی نو کرزی باید چې یوه کوڅه زما د زوی په نامه کړي چې نوم یې ژوندی پاتې شي ."

د ملګرو ملتونو د مرستو د انسجام د ادارې یو تن کارکوونکی نظیف الله سالارزی وایي چې په افغانستان د مرګ ژوبلې په اړه د مالوماتو د راټولولو پروسه دقیقه نده.

د ملګرو ملتونو په یوه تازه رپوټ کې ویل شویدي چې د روان میلادي کال په لومړنیو میاشتو کې په اوسط ډول په هرې میاشتې کې دوه زره او سل د تشدد پیښې شویدي چې د تیر کال په پرتله څلویښت په سلو کې زیاتوالی ښیي. خو دا چې په افغانستان کې یاغیانو ځانمرګو او نورو بریدونو ته زور ورکړی، داسې ښکاري چې د بېګناه خلکو وژل به همداسې ادامه ولري.

XS
SM
MD
LG