د زابل په ولایت کې امنیتي چارواکي وایي چې تیره شپه افغان او نړیوالو ځواکونو د دغه ولایت د ارغنداب په ولسوالۍ کې ګډ عملیات ترسره کړي چې له امله یې د افغان حکومت اوولس وسله وال مخالف وژل شوي دي.
د زابل امنيه قومندان جنرال ميرويس نورزي امريکاغږ اشنا راډیو ته وويل چې عمليات د دغه ولایت د ارغنداب د ولسوالۍ په ملک خيلو سيمه کې د کره استخباراتي معلوماتو له مخې تر سره شوي دي.
جنرال نورزي وویل چې افغان ځواکونو سرهپه دې عملياتو کېد نړيوالو ځواکونو هوایي ملاتړهم مل وو.
د زابل امنيه قومندان زياته کړه چې په دغو عملیاتو کې د ارغنداب ولسوالۍ لپاره د وسله والو طالبانو د نومل شوي ولسوال او د هغه د مرستيال د وژل کيدو خبر یې هم ترلاسه کړی دی.
خو جنرال نورزي وویل، چې تراوسه لا د زابل ولایت د ارغنداب ولسوالۍ لپاره د طالبانو د نومول شوي ولسوال او مرستیال وژل نه دي تائید شوي
ارغنداب د زابل ولایت د مرکز کلات ښار په شمال ۶۰ کيلو ميتری کې پرته ولسوالۍ ده چي ډيري برخي يې د دولت د وسله والو مخالفينو تر ولکې لاندې دي.
زابل ولایتي چارواکو له تیرو اتو میاشتو راهیسې په دغه ولسوالۍ کې د افغان وسله والو طالبانو د وسله والو تر څنگ د بهرنيو وسله والو د حضور په اړه اندیښنې څرګندې کړي دي.
وسله والو طالبانو په ارغنداب کې د خپلو ملگرو د وژل کيدو په اړه کومه تبصره نه ده کړې.
