د لاس رسي وړ اتصالات

خبرې اترې: افغانستان کې د ماشومانو مرګ ژوبله


خبرې اترې: افغانستان کې د ماشومانو مرګ ژوبله

خبرې اترې: افغانستان کې د ماشومانو مرګ ژوبله

په ۲۰۱۰ کال کې۲۴۲۱ ملکي کسان په بیلابیلو پېښو کې په افغانستان کې وژل شوي دي چې یواځي ۳۰ فیصده یې ماشومان دي، چې شمیر یې ۷۳۹ تنو ته رسېږي. یعنې د ورځې دوه ماشومان وژل شوي دي.

دا په داسي حال کې ده چې د افغانستان د بشر د حقوقو د خپلواک کمیسون مشره میرمن سیما ثمر وايي چې په افغانستان کې د بشر د حقوقو په برخه کې پرمختګ شوی دی، د ای آر ام په نامه د بشر د حقوقو څیړونکې ادارې پرون د چارشنبې په ورځ خپل کلنی ریپوټ خپور کړ چې په کښي راغلي چې په ۲۰۱۰ کال کې۲۴۲۱ ملکي کسان په بیلابیلو پېښو کې په افغانستان کې وژل شوي دي.

د خبرو اترو د پنجشنبې د ورځې په خپرونه کې مو پر همدغې موضوع باندي د خپلو میلمنو سره بحث وکړ.

په خپرونه کې میلمانه وو:

په کابل کې د افغانستان د بشر د حقوقو د خپلواک کمیسون د ساحوي دفتر ریْس شمس الله احمدزی او د افغانستان د بشر د حقوقو او د چاپیریال ساتنې د ادارې ریْس عبدالرحمن هوتکي

خپرونه په مستیقمه بڼه د واشنګټن د سټیډیو څخه خپره شوه.

په خپرونه کې د میرمن ثمر پر څرګندونو، په افغانستان کې د بشر د حقوقو پر وضعیت او د پرمختګونو په باب خبري وشوې او همداشان د خلګو پوښتنو ته هم چې د افغانستان د بیلابیلو برخو نه یې د خپرونې سره تماس نیولی و ځوابونه وړاندي شول.

د خپرونې میلمنو اندېښنه څرګنده کړه چې سره له دې چې یو لړ پرمختګونه شوي دي خو اوس هم په افغانستان کې د بشر حقوق تر پښو لاندي کېږي، خلګ په شخصي زندانونه کې شپې سباح کوي او د جګړو د ښکیلو خواوو د تاوتریخوالي په نتیجه کې بې ګناه ملکي کسانو ته مرګ ژوبل وراوړي.

خپرونه دلته واوریْ

XS
SM
MD
LG