د لاس رسي وړ اتصالات

طالبانو ایم ١٧ هیلیکوپتر په فاریاب کې وسوزوله


تر اوسه د پیښې په هکله پوره جزیات نه دي څرگند شوي.

تر اوسه د پیښې په هکله پوره جزیات نه دي څرگند شوي.

د سه شنبې په مازدیگر طالبانو یوه ایم ١٧ ډوله هیلیکوپتر د فاریاب ولایت په پښتون کوټ ولسوالۍ کې وسوزوله.

ویل کیږي چې دا هیلیکوپتر په افغانستان کې د میشتو بهرنیو ځواکونو وه او د نامعلومو دلیلونو له امله یې په سیمه کې بېړنۍ ناسته کړې وه.

د افغانستان د ملي دفاع وزارت ویاند دولت وزیري د فاریاب په ولایت کې د دغې هلیکوپتر بېړنۍ کوزیدنه تائید کړې ده. خو هغه نه دي ویلي چې د هیلیکوپتر سپرلۍ څوک دي او دا هیلیکوپتر چیرته روانه وه. همداشان د هیلیکوپتر د بېړنۍ کوزیدنې علتونه هم نه دي څرگند شوي.

د فاریاب په ولایت کې د شاهین د ٢٠٩ قول اردو مقاماتو هم دغه پیښه تائید کړې ده.

د دې هیلیکوپتر د سپرلیو د شمیر او سرنوشت په هکله تر اوسه معلومات نه دي ترلاسه شوي.

په فاریاب کې د ملي اردو د ځواکونو ویاند رضا رضایي د امریکا غږ رادیو ته وویل هغه سیمه چې دغه هیلیکوپتر په کې سوزول شوی د طالبانو تر ولکې لاندې وه.

د ښاغلي رضایي په وینا د دغې سیمې د بیرته نیولو لپاره افغان امنیتي ځواکونه د طالبانو سره په جگړه بوخت دي.

XS
SM
MD
LG