د لاس رسي وړ اتصالات

کرزی وايي د اداري فساد د ریښو په ایستلو یې پیل کړی


کرزی وايي د اداري فساد د ریښو په ایستلو یې پیل کړی

کرزی وايي د اداري فساد د ریښو په ایستلو یې پیل کړی

افغان جمهور رئیس وایي په دولت کې یې د اداري فساد شته لاملونه پیږندلي دي او کلک هوډ یې کړی چې جړې به یې باسي.

د ښاغلي کرزي په وینا د افغانستان ناتوانه ملکي اداره او دلته د بهرنیانو په قرار دادونو او معاملو کی درغلي په دې هیواد کي د فساد اصلي لاملونه دي.

جمهور رئیس وایی هوډ لري چې ملکي اداره اصلاح کړي او د بهرنیانو سره معاملې افغانیزې کړي د هغه په وینا همدا دوه لارې په افغانستان کې د اداري فساد د ورکېدو اساس جوړېدلای شي

جمهور رئیس کرزی چه په کابل کی یی د فساد سره د مبارزې د ورځې په مناسبت خبرې کولې وایي په تولنه کې یې د اداري فساد شتون ددې سبب دی چې د ټولنیز عدالت پلې کولو لپاره د دولت پروګرامونه عملي نشي او هغه ګامونه چې دولت یې غواړي د وګړو د ږوندانه د بسیاینې لپاره اوچت کړي ټکڼۍ شي

جمهور رئیس وایي په دولتي ملکي ادارو کې د هیواد والو د کارد تر سره کولو لپاره ډیرې اوږدې مرحلې شته چې ددې قوانینو او اوږدو پروسو نه د وګړو تیریدل په خپله د اداري فساد سبب کیژي

ښاغلی کرزی وایي ددې اوږدو لارو د لنډولو لپاره یې ګامونه اوچت کړي خو تر بشپړه بري په لار کې لا ستونزې شته، خو تر دې ټولو زیات په دې هیواد کې د فساد لاملونه د دولتي لوړ پوړو کړیو د فساد نه ډک اجرات او د بهرنیانو شتون او د هغهوی د مرستو او کړنو څرنګوالی دی، او تر ټولو روښانه دلیل یې په هیواد کې د امنیتي خصوصي شرکتونو موجودیت دی چې د جمهور رئیس په وینا ملیونونه ډالره مصارف لري او هم ددې هیواد د نا امنیو لامل ګرخیدلیي دي . له بلې خوا ددې هیواد د امنیتي قواوو د پراختیا او پرمختګ مخنیوی کوي.

بل لامل د افغانانو سره د بهرنیانو قراردادونه او معاملې دي چې د جمهور رئیس په وینا افغان دولت پکې هیڅ ډول واک نلري

ښاغلي کرزی وایي په دې ښه پوهیږي چې په افغانستان کې د فساد د شتون قصور واره څوک دي خو د هغه دولت به د مجربې او متخصصې ملکي ادارې د جوړولو لپاره ګامونه ګړندي کوي او داسې ملکي اداره به جوړوي چې هلته د ادارې د مشر د تګ سره سیسټم بدل نشي او د خپلې خوښې د مقرریومخنیوی وشي

په افغانستان کې د فساد پرضد د مبارزې د ستراتیژي د تطبیق ادارې مشر وایي په دولتي ادارو کې د فساد شتون مني خو په دې اړه د شفافیت د نړیوال سازمان د راپور سره همغږی نلري چې د اداري فساد شتون ته یې بیلابیلی درجې ورکړې

ښاغلی عثماني وایي ددې هر څه سره سره په افغانستان کې کاري شفافیت وده لري او د فساد پر ضد مبارزه کې لاس ته راوړنې هم لري .

پنځه تنه لوړ پوړي او مهم دولتي چارواکي یې فساد کې د لاس ته لرلو په تور نیولي. د بهرنیانو سره د قراردادونو متن چې اکثره په بهرنۍ ژبه وي او د افغانانو له خوا په موضوع نه پوهیدل او په دې منځ کې د پیسو شکته پورته کیدنه د فساد جرړه ده چه اوس به دا قراردادونه په دري او پښتو لیکل کیږي او افغان چارواکو ته به په دې هکله هر څه رو ښانه وي.

XS
SM
MD
LG